CAPITVLA LIBRI V.
1 I. Quod aliqui permoueantur Romanas uictorias multarum gentium strage crebrescere. [OROS. 5,1,1]
2 II. De temporibus paganorum et Christianorum. [OROS. 5,1,6]
3 III. Quid intersit inter praeterita et praesentia bona. [OROS. 5,1,9]
4 IIII. De Christiana fide et religione. [OROS. 5,2,1]
5 V. De uera patria. [OROS. 5,2,6 utor]
6 VI. De euersione Corinthi et quod aes Corinthium et Corinthia uasa dicantur. [OROS. 5,3,1]
7 VII. Viriatus Lusitanus Vecilium et Gaium Plautium praetores deuicit. [OROS. 5,4,1]
8 VIII. Claudius a Viriato superatur. [OROS. 5,4,3 post]
9 VIIII. Lusitani cum Romanis confligunt et unus multos effugat. [OROS. 5,4,5]
10 X. Claudius uictus et uincens non impetrata triumphi potestate impudenter priuatis sumptibus triumphauit. [OROS. 5,4,7]
11 XI. Androgynus in mare mergitur et pestilentia in urbe exoritur. [OROS. 5,4,8]
12 XII. Fabius societate inuitatos detruncat. [OROS. 5,4,12]
13 XIII. De Pompeii et exercitus clade et Mithridatis imperio [OROS. 5,4,13]
14 XIIII. De turpissimo Mancini consulis foedere; qui nudus et ligatus hostibus exponitur. [OROS. 5,4,19]
15 XV. Brutus multa milia aut occidit aut capit. Lepidus pertinaciae poenas luit. - Quanta fuerit timoris amentia miles Romanus hebetatus et quanto terrori fuerint Hispani Romanis. [OROS. 5,5,12]
16 XVI. Romae puer quadripes quadrimanus, oculis quatuor et totidem auribus nascitur. [OROS. 5,6,1]
17 XVII. In Sicilia mons Aetna ignes eructat. [OROS. 5,6,2]
18 XVIII. De seruili bello in Sicilia. [OROS. 5,6,3]
19 XVIIII. De situ et euersione Numantiae et de triticei suci potione et ciuili apud Romanos contentione. [OROS. 5,7,1]
20 XX. Item de bello seruili per loca diuersa. [OROS. 5,9,4]
21 XXI. Crassus consul occiditur; uictor eius a Perpenna consule superatur. hic Ptolemaei incestus et parricidia narrantur. [OROS. 5,10,1]
22 XXII. De Scipione Africano qualiter interiit. [OROS. 5,10,9]
23 XXIII. In Sicilia mons Aetna globos igneos exundauit, adustae rupes in Lipara dissoluuntur, supernatantes pisces uis caloris excoxerat, homines adustis uitacibus suffocati sunt. [OROS. 5,10,11]
24 XXIIII. De flagello, id est de fetore locustarum, quanta milia hominum in Africa perierunt, id est in Numidia LXXX milia hominum et circa oram maritimam plus quam CC milia hominum, apud Vticam ciuitatem XXX milia militum extincta sunt. [OROS. 5,11,1]
25 XXV. De restauratione Carthaginis et prodigiis. de seditione Gracchi bellum ciuile gestum est. Baleares insulas Romani oppresserunt. Cn. Domitius Allobrogas Gallos uicit. Aetna mons ignem uomuit et longe positas ciuitates exussit, et pro ipsa clade decem annorum uectigal dimissum est. [OROS. 5,12,1]
26 XXVI. Vbi Gallorum CLVIII [OROS. 5,immo CL] milia hominum caesa uel mersa sunt, et cetera. [OROS. 5,14,1]
27 XXVII. De Iugurtha et eius rebus dolose gestis et de ipsius ratione contra Romanos, ubi urbem infami satis elogio notauit id est uenalem et mature perituram. Iugurtha societatem cum Boccho Maurorum rege fecit. item de pugna terribili cum Iugurtha ita ut fremitu equitum suscitatus puluis caelum subtexerit, diem ademerit noctemque obduxerit et telorum tantus nimbus ingruerit, ut nulla pars corporis ab ictu tuta esset; pluuia Romanis aduersus Afros pugnantibus subuenit. Iugurtha fraude captus a Boccho catenatusque ante currum actus et in carcere strangulatus est. L. Heluii filia ictu fulminis exanimata est, equus quoque ipse, quo utebatur, exanimis procul iacuit. L. Veturius Aemiliam uirginem Vestalem furtiuo stupro polluit. praeterea duas uirgines Vestales eadem Aemilia ad participationem incesti contubernalibus sui corruptoris exposuit. Caepio proconsul capta urbe Gallorum, cui nomen est Tolosa, C milia p. auri et argenti CX milia e templo Apollinis sustulit et ad Massiliam misit. [OROS. 5,16,1]
28 XXVIII. Vbi M. Aemilius captus interfectus est. duo filii consulis caesi, LXXX milia Romanorum trucidata et XL milia interfecta sunt et de ipso exercitu X tantum homines, qui miserum nuntium referrent, remanserunt. hostes binis castris in praeda potiti sunt et cuncta, quae ceperant, pessum dederunt, et uestes discissae et proiectae sunt, aurum argentumque in flumen abiectum est, loricae uirorum concisae, equi gurgitibus immersi, homines laqueis ex arboribus suspensi sunt. Q. Fabius Maximum filium suum adolescentem interfecit. Marius CC milia Gallorum interfecit, LXXX milia cepit, uix tria milia fugerunt et mulieres Gallorum pro castitate omnes sese cum filiis suis interfecerunt. item de caede Gallorum nimis crudeliter acta. Publicius Malleolus matrem suam interfecit et insutus in culleum parricida in mare proiectus est. [OROS. 5,16,1]
29 XXVIIII. De bellis ciuilibus plurimis. [OROS. 5,17,1]
30 XXX. De inauditis et diris prodigiis, id est, ubi sub ortu solis globus ignis cum maximo caeli fragore emicuit et dum panes per conuiuia frangerentur, cruor e mediis panibus fluxit, et per septem continuos dies grando lapidum immixtis testarum fragmentis terram uerberauit, et uastissimo hiatu terrae flamma prorupit et usque in caelum extendi uisa est. praeterea uidere plures Romani globum coloris aurei caelo ad terram deuolui maioremque factum a terra in sublime ad orientem solem ferri ac magnitudine sua ipsum solem obtexisse. item infamissima orta prodigia: animalia relictis stabulis pascuisque ad siluas montesque fugerunt et canes uagi luporum ritu oberrauerunt. Marius VIII milia Marsorum interfecit. item Marius VI milia Marsorum cecidit. Sylla Aeserniam missus, ubi Romani ciues et milites artissima obsidione premebantur, maximo bello et plurima caede hostium urbem sociosque seruauit. Cn. Pompeius Picentes graui proelio fudit; qua uictoria senatus laticlauia et cetera dignitatis insignia recepit. item de uictoriis Romanorum diuersis: ubi XVIII milia Marsorum cum Frauco imperatore suo caesa sunt, capta III milia, quatuor milia profugi iugum montis conscenderant et niuibus riguerunt, alii stirpibus uel saxis reclines alii armis suis innitentes patentibus oculis dentibusque nudatis in modum uiuentium uisebantur. - Vidacilius dux Picentium ueneno se interfecit, laudantibus suis factum, non tamen imitantibus. [OROS. 5,18,1]
31 XXXI. De Postumio Albino L. Syllae legato lapidibus occiso et de Syllae contestatione, ubi Romanum exercitum permouit, ut XVIII milia Samnitium interfecissent. de Pompeio et de egestate inopiaque Romana et reliqua. [OROS. 5,18,22]
32 XXXII. De initio Mithridatici belli et de ciuili bello per Marium acto. Sulpicius Marii collega seruo suo prodente prostratus est. Marius fugiens et Minturnas deductus contrususque in carcerem percussorem ad se missum solo uultu exterruit, deinde in Africani transfugit et filio ex Vtica sollicitato Romam regressus Cinnae coniunctus est. ad profligandam rem publicam in quatuor partes exercitum diuiserunt. deinde Cn. Pompeius cum Sertorio conflixit: sescenteni ex utraque parte milites caesi sunt; in ipso concursu belli frater fratrem occidit et, cum eius cadauer agnouisset, se ipsum super eum peremit. - De bellis ciuilibus per annos XL gestis. Marius coloniam Ostiensem ui ingressus libidinem, auaritiam et crudelitatem exercuit. Pompeius fulmine afflatus interiit et de exercitu eius XI milia mortua, sex milia de parte Octauii consulis siderata sunt. deinde sequuntur uariae dissensiones atque caedes. Sylla primus tabulam proscriptionis proposuit. Gaius Marius consul a Lucretio obsidebatur et, ne in manus incideret inimicorum, cum Telesino consule [sic] mutua morte concurrit et cetera. [OROS. 5,19,1]
33 XXXIII. Vbi Manlius proconsul Galliae in Hispaniam cum tribus legionibus et mille quingentis equitibus transgressus cum Hirtuleio pugnauit et nudatus copiis in oppidum Ilerdam paene solus refugit. Pompeius contracto apud Palantiam exercitu uictus aufugit. ciuitatem Vxamam Pompeius euertit. Calagurrim Africanus caede et incendio deleuit. Claudius Macedonicum bellum sortitus uarias gentes in montibus Rhodopaeis ac Macedoniam depopulatus est. inter cetera autem horrida, quae exercitus suus in captiuos agebat, hoc facinus addidit, hoc est, ut raptis, cum poculo opus esset, humanorum capitum ossibus cruentis capillatisque adhuc sine horrore tamquam ueris poculis utebatur [sic], quoniam cruentissimi cordis erat, et reliqua. [OROS. 5,23,1]
34 XXXIIII. De caedibus, rapinis, incendiis stuprisque gladiatorum uel fugitiuorum, quos Crassus consul uel proeliis prostrauit seu etiam cepit. de diuersis bellis temporibus paganorum gestis. [OROS. 5,24,1]